ਟਰੰਪ ਦੇ ਸਹੁੰ ਚੁੱਕ ਸਮਾਗਮ ਦਾ 26 ਦੇ ਕਰੀਬ ਡੈਮੋਕ੍ਰੇਟਿਕ ਸਾਂਸਦ ਕਰਨਗੇ ਬਾਈਕਾਟ
ਵਾਸ਼ਿੰਗਟਨ, 18 ਜਨਵਰੀ (ਰਾਜ ਗੋਗਨਾ/ਪੰਜਾਬ ਮੇਲ)- ਅਮਰੀਕਾ ਦੇ ਚੁਣੇ ਗਏ 45ਵੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਇਸ ਹਫਤੇ 20 ਜਨਵਰੀ ਨੂੰ ਕੈਪੀਟਲ ਹਿੱਲ ‘ਚ ਸਹੁੰ ਚੁੱਕ ਸਮਾਗਮ ਦਾ 26 ਦੇ ਕਰੀਬ ਡੈਮੋਕ੍ਰੇਟਿਕ ਸਾਂਸਦਾ ਨੇ ਬਾਈਕਾਟ ਕੀਤਾ ਹੈ, ਜਿਨ੍ਹਾਂ ‘ਚ ਭਾਰਤੀ ਮੂਲ ਦੀ ਪ੍ਰਮਿਲਾ ਜੈਪਾਲ ਡੈਮੋਕ੍ਰੇਟਸ ਦਾ ਨਾਂ ਵੀ ਸ਼ਾਮਲ ਹੈ।
ਇਨ੍ਹਾਂ ਸੰਸਦ ਮੈਂਬਰਾਂ ਨੇ 2016 ਦੀਆਂ ਰਾਸ਼ਟਰਪਤੀ ਚੋਣਾ ‘ਚ ਰੂਸ ਦੇ ਦਖਲ ਦਾ ਖੁਲਾਸਾ ਹੋਣ ਦੇ ਵਿਰੋਧ ‘ਚ ਇਹ ਫੈਸਲਾ ਲਿਆ ਹੈ ਅਤੇ ਨਾਲ ਹੀ ਮਨੁੱਖੀ ਅਧਿਕਾਰਾਂ ਦਾ ਕਾਰਜਕਰਤਾ ਜਾਨ ਲੈਵਿਸ ਕਾਂਗਰਸਮੈਨ ਆਫ ਜੋਰਜੀਆ ਤੇ ਟਰੰਪ ਵੱਲੋਂ ਕੀਤੀ ਟਿੱਪਣੀ ਤੋਂ ਸੰਸਦ ਮੈਂਬਰਾਂ ਨੇ ਆਪਣੀ ਨਾਰਾਜ਼ਗੀ ਨਾਲ ਟਰੰਪ ਦੇ ਇੰਮੀਗ੍ਰੇਸ਼ਨ ਵਿਰੋਧੀ ਰੁੱਖ, ਅਮਰੀਕਾ ‘ਚ ਪ੍ਰਦਰਸ਼ਨਾਂ ਦਾ ਹੋਣਾ ਅਤੇ ਅਮਰੀਕਾ-ਮੈਕਸਿਕੋ ਵਿਚਾਲੇ ਕੰਧ ਬਣਾਉਣ ਅਤੇ ਦੇਸ਼ ‘ਚ ਦਾਖਲ ਹੋਣ ਵਾਲੇ ਮੁਸਲਮਾਨਾਂ ‘ਤੇ ਟੁੱਟ ਪੈਣ ਦੇ ਮਸਲੇ ਹਨ।
ਇਨ੍ਹਾਂ ਸਾਰੇ ਹੀ ਸੰਸਦ ਮੈਂਬਰਾਂ ਨੇ ਟਵੀਟ ਕਰਕੇ ਆਪਣੀਆਂ ਭਾਵਨਾਵਾਂ ਦੁਨੀਆਂ ਸਾਹਮਣੇ ਜ਼ਾਹਿਰ ਕੀਤੀਆਂ ਹਨ ਅਤੇ ਮਨੁੱਖੀ ਅਧਿਕਾਰ ਦੇ ਕਾਰਜਕਰਤਾ ਕਾਂਗਰਸਮੈਨ ਜਾਨ ਲੈਵਿਸ ਨੇ ਕਿਹਾ ਕਿ 1987 ‘ਚ ਕਾਂਗਰਸ ‘ਚ ਆਉਣ ਮਗਰੋਂ ਉਹ ਪਹਿਲੀ ਵਾਰ ਟਰੰਪ ਦੇ ਸਮਾਗਮ ਦਾ ਬਾਈਕਾਟ ਕਰਨਗੇ।