ਕਵਿਤਾਵਾਂ
ਹੋਵੇਂ ‘ਤੂੰ ਹੀ, ਤੂੰ ਹੀ’
Page Visitors: 2486
ਹੋਵੇਂ ‘ਤੂੰ ਹੀ, ਤੂੰ ਹੀ’
ਡਾ ਦਲਵਿੰਦਰ ਸਿੰਘ ਗ੍ਰੇਵਾਲ
ਸਾਫ ਰਹਿਣ ਇੰਦਰੇ, ਹਰ ਰੋਜ਼ ਨਾਉਣਾ ਚਾਹੀਦਾ।
ਫਿਰ ਸ਼ਾਂਤ ਚਿੱਤ ਰੱਬ ਵਿਚ ਲਾਉਣਾ ਚਾਹੀਦਾ।
ਰੱਬ ਨਾਲ ਲਾਈਏ ਸਾਰਾ ਜੱਗ ਭੁੱਲ ਜਾਈਏ ਜੀ,
ਉਹਦੇ ਬਿਨਾ ਯਾਦ ਨਾ ਕੋਈ ਹੋਰ ਆਉਣਾ ਚਾਹੀਦਾ।
ਉਹਦੇ ਨਾਮ ਨਾਲ ਸਦਾ ਇੰਜ ਜੁੜ ਜਾਈਏ ਜੀ,
ਨਾਮ ਰਸ ਅੰਗ ਅੰਗ ਵਿਚ ਪਾਉਣਾ ਚਾਹੀਦਾ।
ਕਰਦਾ ਉਹ ਕੀ? ਇਹ ਨਾ ਕੋਈ ਸੋਚਾਂ ਵਾਲੀ ਗੱਲ ਹੈ,
ਉਹ ਤਾਂ ਕਰਵਾਉਂਦਾ ਜਿਵੇਂ ਕਰਵਾਉਣਾ ਚਾਹੀਦਾ।
ਉਹਦੇ ਵਿਚ ਮਿਲਕੇ ਮਿਟਾਉ ਆਪਾ ਆਪਣਾ,
ਹਰ ਪਾਸੇ ਊਹੋ ਹੀ ਨਜ਼ਰ ਆਉਣਾ ਚਾਹੀਦਾ।
ਬਖਸ਼ੀਂ ਨਾਚੀਜ਼ ਨੂੰ ਤੇ ਮਿਹਰ ਕਰੀਂਂ ਦਾਤਿਆ,
ਹੋਵੇਂ ‘ਤੂੰ ਹੀ, ਤੂੰ ਹੀ’ ਬੱਸ, ਆਪਾ ਢਾਉਣਾ ਚਾਹੀਦਾ।