ਕਵਿਤਾਵਾਂ
ਕੁੜੀਆਂ......
Page Visitors: 2603
ਕੁੜੀਆਂ......
ਬੱਸਾਂ ਦੇ ਵਿੱਚ ਚੜ੍ਹੀਆਂ ਕੁੜੀਆਂ,
ਘਰੀਂ ਫੇਰ ਨਾ ਮੁੜੀਆਂ ਕੁੜੀਆਂ।
ਕਿਸਮਤ ਕੇਹੀ ਲਿਖਾ ਕੇ ਆਈਆਂ,
ਰੱਬ ਕੋਲੋਂ ਇਹ 'ਕਿਸਮਤ-ਪੁੜੀਆਂ'।
ਜੰਮਣੋਂ ਪਹਿਲਾਂ ਬੁੱਝੀਆਂ ਗਈਆਂ,
ਐਸੇ 'ਰੋੜ੍ਹ' ਦੇ ਵਿਚ ਇਹ ਰੁੜ੍ਹੀਆਂ।
ਤ੍ਰਿੰਜਣਾਂ ਦੇ ਵਿਚ 'ਕੱਠੀਆਂ ਹੋਈਆਂ,
ਫੇਰ ਨਾ ਤ੍ਰਿੰਜਣੀਂ ਮੁੜ ਕੇ ਜੁੜੀਆਂ।
ਘਰ ਵਿੱਚ ਪੁੱਛ-ਗਿੱਛ ਨਾ ਹੋਈ,
ਬੇਬੱਸ, ਅੰਦਰੋਂ-ਅੰਦਰੀਂ ਕੁੜ੍ਹੀਆਂ।
ਅੱਜ ਜ਼ਮਾਨਾ ਬਦਲ ਰਿਹਾ ਏ,
ਬੇਸ਼ਕ, ਪਹਿਲਾਂ ਰਹੀਆਂ ਥੁੜ੍ਹੀਆਂ।
ਉੱਚ-ਅਹੁਦਿਆਂ 'ਤੇ ਵੀ ਪਹੁੰਚਣ,
ਨਵੇਂ ਮੋੜ ਨੇ, 'ਝੰਡ' ਅੱਜ ਮੁੜੀਆਂ।
ਸੁਖਦੇਵ ਸਿੰਘ ਝੰਡ