ਗੁਰੂ ਗ੍ਰੰਥ ਸਾਹਿਬ ਅਤੇ ਗੁਰੂ ਸਾਹਿਬਾਨ ਨੂੰ ਗੁਰੂ ਕਹਿਣ ਤੇ ਪਾਬੰਦੀ
ਸਤਿਕਾਰਤ ਭਾਈ ਰਣਜੀਤ ਸਿੰਘ ਜੀਉ
ਇਤਹਾਸ ਵਿਚ ਜ਼ਿਕਰ ਆਉਂਦਾ ਹੈ ਕਿ ਲਖਪਤ ਰਾਏ ਨੇ, ਸਿੱਖਾਂ ਨੂੰ ਗੁਰੂ ਗ੍ਰੰਥ ਅਤੇ ਗੁਰੂ ਸਾਹਿਬਾਨ ਨਾਲੋਂ ਤੋੜਨ ਦਾ ਜਤਨ ਕਰਦੇ ਹੋਇ, ਗੁਰੂ ਗ੍ਰੰਥ ਸਾਹਿਬ ਅਤੇ ਗੁਰੂ ਸਾਹਿਬਾਨ ਨੂੰ ਗੁਰੂ ਕਹਿਣ ਤੇ ਪਾਬੰਦੀ ਲਾ ਦਿੱਤੀ ਸੀ।ਉਹ ਨਹੀਂ ਸੀ ਚਾਹੁੰਦਾ ਕਿ ਸਿੱਖ ਗੁਰੂ ਗ੍ਰੰਥ ਅਤੇ ਗੁਰੂ ਸਾਹਿਬਾਨ ਨੂੰ ਗੁਰੂ ਕਹਿਣ-ਮੰਨਣ।  ਇੱਥੋਂ ਤਕ ਕਿ ਉਸ ਨੇ ਪੰਜਾਬ ਵਿਚ 'ਗੁੜ' ਨੂੰ ਗੁੜ ਕਹਿਣ ਤੇ ਵੀ ਪਾਬੰਦੀ ਲਾਈ ਤਾਂਕਿ ਸਿੱਖਾਂ ਨੂੰ ਗੁੜ ਬੋਲਦੇ ਕੀਤੇ ਗੁਰੂ ਯਾਦ ਨਾ ਆਉਣ। ਉਸਦਾ ਵਿਚਾਰ ਸੀ ਕਿ ਗੁਰੂ ਗ੍ਰੰਥ ਅਤੇ ਗੁਰੂ ਸਾਹਿਬਾਨ ਨਾਲ ਸਿੱਖਾਂ ਦੇ ਰਿਸ਼ਤੇ ਨੂੰ ਤੋੜ ਕੇ ਹੀ ਸਿੱਖਾਂ ਨੂੰ ਕਾਬੂ ਕੀਤਾ ਜਾ ਸਕਦਾ ਹੈ। ਉਹ ਨਹੀਂ ਸੀ ਚਾਹੁੰਦਾ ਕਿ ਸਿੱਖ ਗੁਰੂ ਗ੍ਰੰਥ ਅਤੇ ਗੁਰੂ ਸਾਹਿਬਾਨ ਨੂੰ ਗੁਰੂ ਕਹਿਣ-ਮੰਨਣ। ਮੇਰਾ ਸਵਾਲ ਇਹ ਹੈ ਕਿ ਇਸ ਪੱਖੋਂ ਆਪ ਜੀ ਦੀ ਸੋਚ ਵੀ, ਕੁੱਝ "ਅਪਗ੍ਰੇਡ" ਢੰਗ ਨਾਲ,  ਲੱਖਪਤ ਰਾਏ ਜਿਹੀ ਸੋਚ ਨਾਲ ਕਿਵੇਂ ਅਤੇ ਕਿਉਂ ਜਾ ਰਲੀ ਹੈ ?
ਹਰਦੇਵ ਸਿੰਘ, ਜੰਮੂ-੦੮.੦੮.੨੦੧੮