ਦੁਸ਼ਮਣ ਨੂੰ ਖੰਗੂਰੇ...?

Page Visitors: 2448

ਦੁਸ਼ਮਣ ਨੂੰ ਖੰਗੂਰੇ...?
ਗੁਰਦੇਵ ਸਿੰਘ ਸੱਧੇਵਾਲੀਆ
ਕਸ਼ਮੀਰ ਦੇ ਵਿਦਿਆਰਥੀਆਂ ਅਤੇ ਹੋਰ ਫਸੇ ਕਸ਼ਮੀਰੀਆਂ ਨੂੰ ਲੈ ਕੇ ਪੰਜਾਬ ਨੇ ਅਪਣੀ ਆਦਤ ਅਨੁਸਾਰ ਦਿੱਲੀ ਵਾਲਿਆਂ ਨੂੰ ਫਿਰ ਖੰਗੂਰੇ ਮਾਰੇ ਹਨ। ਪੰਜਾਬ ਨਾਲ ਕਿਸੇ ਦੀ ਬਣ ਨਹੀ ਸਕਦੀ।
ਪੰਜਾਬ ਦੇ ਸੁਭਾ ਵਿਚ ਹੈ ਕਿ ਉਹ ਖੜੋਂਦਾ ਹੀ 'ਵਿਕਟਮ' Victim ਨਾਲ ਹੈ।
ਦਿੱਲੀ ਅਨੰਦਪੁਰ ਨੂੰ ਕੀ ਕਹਿੰਦੀ ਸੀ, ਪਰ ਅਨੁੰਦਪੁਰ ਵਾਲੇ ਕਸ਼ਮੀਰੀਆਂ ਦੇ ਹੱਕ ਵਿਚ ਜਾ ਖੜੇ ਹੋਏ । ਇਹ ਵੱਖਰੀ ਗੱਲ ਕਿ ਉਸ ਸਮੇ ਕਸ਼ਮੀਰ ਵਿਚ 'ਵਿਕਟਮ' ਬ੍ਰਾਹਮਣ ਸੀ। ਤਾਂ ਦਿੱਲੀ ਵਾਲਿਆਂ ਗੁਰੂ ਤੇਗ ਬਹਾਦਰ ਸਾਹਿਬ ਦਾ ਸੀਸ ਧੜ ਤੋਂ ਜੁਦਾ ਕਰ ਦਿੱਤਾ।
ਬਾਬੇ ਕਿਆਂ ਦੀ ਜੋਰ ਵਾਲੇ ਬੰਦੇ ਨਾਲ ਬਣੀ ਨਹੀ। ਜੋਰ ਨਾਲ ਜੁਲਮ ਜਾ ਜੁੜਦਾ ਸੀ ਤਾਂ ਬਾਬੇ ਉਸ ਦੇ ਵਿਰੁਧ?
ਇਤਿਹਾਸ ਵਿਚ ਇੱਕ ਵੀ ਮਿਸਾਲ ਕਿ ਬਾਬੇ ਕੇ ਮਜਲੂਮਾਂ ਵਿਰੁਧ ਜੋਰ ਵਾਲੇ ਨਾਲ ਜਾ ਖੜੋਤੇ ਹੋਣ।
ਬ੍ਰਾਹਮਣ ਕਹਿੰਦਾ ਨਾਨਕ ਜੀ ਤੁਸੀਂ ਆਹਾ ਕੀ ਮਰਾਸੀ ਵਰਾਸੀ ਨਾਲ ਲਾਈ ਫਿਰਦੇਂ, ਕਿਉਂ ਪਿਉ ਦਾ ਵੀ ਤੇ ਸਾਡਾ ਵੀ ਜਲੂਸ ਕਢਾਉਂਦੇ। ਪਿੰਡ ਵਿਚ ਪਟਵਾਰੀ ਦਾ ਕਾਕਾ ਮਰਾਸੀ ਨਾਲ?
ਨੱਕ ਨਹੀ ਸੀ ਵੱਢ ਹੋ ਜਾਂਦਾ ਪਰ ਬਾਬਾ ਜੀ ਕਹਿੰਦੇ ਕਿਹੜਾ ਮਰਾਸੀ ਕਿਹੜਾ ਛੋਟਾ ਤੇ ਕੌਣ ਵੱਡਾ?
ਬਾਬਾ ਜੀ ਦੀ ਹੰਕਾਰੀ ਨਾਲ ਕਿਥੇ ਬਣੇ ਤੇ 'ਉਚਿਆਂ' ਬਾਬਾ ਜੀ ਦੇ ਬਾਪੂ ਨੂੰ ਅਜਿਹੀ ਪਾਨ ਚਾਹੜੀ ਕਿ ਆਖਰ ਬਾਬਾ ਜੀ ਨੂੰ ਭੈਣ ਕੋਲੇ ਜਾ ਕੇ ਸਾਹ ਲੈਣਾ ਪਿਆ!
ਹਿੰਦੂ ਰਾਜੇ ਕਹਿੰਦੇ ਬਾਟਾ ਸਾਡਾ ਅੱਡ ਕਰਨ ਵਿਚ ਹਰਜ?
ਇੱਕ ਪੰਗਤ ਔਸ ਪਾਸੇ ਲਾ ਦੇਹ ਸਾਡੀ ਅਸੀਂ ਆਹਾ ਚੂਹੜੇ ਚਪੜਿਆਂ ਨਾਲ ਬੈਠਦੇ ਚੰਗੇ ਲੱਗਦੇ?
ਤੇਰੇ ਨਾਲ ਖੜੇ ਹਾਂ ਡੱਟ ਕੇ! ਸ਼ਰਤ ਕਿਹੜੀ ਬਾਹਲੀ ਵੱਡੀ ਸਾਡੀ। ਪਰ ਬਾਬੇ ਕਹਿੰਦੇ ਔਹ ਰਸਤਾ ਦੀਹਦਾ ਡੰਡੀ ਪੈ ਜਾਓ। ਖਬਰਦਾਰ ਕਿਸੇ ਇਨ੍ਹਾਂ ਨੂੰ ਚੂਹੜੇ ਚਪੜੇ ਕਿਹਾ। ਮੈਂ ਇਹੀ ਅਰੰਗੇ ਦੇ ਮੂਹਰੇ ਜਾ ਖੜੇ ਨਾ ਕੀਤੇ ਤਾਂ ਮੈਨੂੰ ਗੋਬਿੰਦ ਸਿੰਘ ਕਿਸ ਕਹਿਣਾ!
ਦੁਸ਼ਮਣ ਨੂੰ ਜਦ ਤੁਸੀਂ ਖਗੂੰਰਾ ਮਾਰੋਂਗੇ ਤਾਂ ਉਹ ਤੁਹਾਡੇ ਸਿੰਗ ਤਾਂ ਚੋਪੜਨੋ ਰਿਹਾ। ਪਰ ਇਹ ਕਰੇ ਕੀ? ਇਸ ਦੇ ਵੱਡਿਆਂ ਤੋਂ ਇਸ ਦੇ ਲਹੂ ਵਿਚ ਹੈ ਕਿ ਇਹ ਮਾੜੇ ਨਾਲ ਖੜੋਂਦਾ। ਹਵਾਵਾਂ ਦੇ ਉਲਟ। ਦੁਸ਼ਮਣ ਚਾਹੇ ਮੂਹਰੇ ਕਿੰਨਾ ਤਗੜਾ ਕਿਉਂ ਨਾ ਹੋਵੇ।
ਪੰਡਤਾਣੀ ਇੱਕ ਤੇ ਜਾ ਕਸੂਰ ਦੀਆਂ ਗੜੀਆਂ ਢਾਹੀਆਂ?
ਕਸੂਰ?
ਉਸ ਸਮੇ ਕਸੂਰ ਦੀ ਚੜਤ ਸੀ ਤੇ ਕਿਸੇ ਹਮਲਾਵਰ ਹਾਲੇ ਤੱਕ ਉਧਰ ਮੂੰਹ ਨਾ ਕੀਤਾ ਤੇ ਇਹ?
ਨਾਦਰ ਚੰਗਾ ਭਲਾ ਦਿੱਲੀ ਲੁੱਟ ਕੇ ਲਈ ਜਾਂਦਾ। ਹਿੰਦੋਸਤਾਨ ਦੀ ਦੌਲਤ ਤਾਂ ਦੌਲਤ ਕੁੜੀਆਂ ਚਿੜੀਆਂ ਵੀ ਵਿਚਾਰੀਆਂ ਬੰਨ ਲਈਆਂ।
ਸਾਰਾ ਮੁਲਖ ਤ੍ਰਹਿ ਤ੍ਰਹਿ ਕਰੇ ਨਾਦਰ ਤੋਂ ਇਨੀ ਉਸ ਨੂੰ ਜਾ ਘੇਰਿਆ?
ਉੁਹ ਹੈਰਾਨ ਕਿ ਇਹ ਸ਼ਿਕਾਰੀ ਨੂੰ ਸ਼ਿਕਾਰੀ ਕਿਹੜੇ ਆ ਪਏ?
ਰਾਜਨੀਤੀ ਦੀ ਗੰਦੀ ਇਸ ਖੇਡ ਵਿਚ ਮਾਵਾਂ ਦੇ ਪੁੱਤ ਮੋਦੀ ਨੇ ਬਲੀ ਚਾਹੜ ਦਿੱਤੇ ਤੇ ਲੋਕ ਐਵੇਂ ਹੀ ਭੂਏ ? ਸਿਆਣਿਆਂ ਦੀ 'ਕਾਵਾਂ ਨੂੰ ਸੈਨਤਾਂ' ਵਾਲੀ ਕਹਾਵਤ ਇਥੇ ਦੁਹਰਾਈ ਜਾ ਰਹੀ। ਲੋਕਾਂ ਨੂੰ ਖਾਣ ਦੇ ਲਾਲੇ ਪਏ ਵਏ ਨੇ ਪਰ ਉਨ੍ਹਾਂ ਨੂੰ ਭੁੱਲ ਕਿ ਉਹੀ ਲੋਕੀਂ ਮਾਮੇ ਰਾਸ਼ਟਰਵਾਦ ਦੇ ਬਣੇ ਵਏ ਨੇ। ਰਾਸ਼ਟਰਵਾਦ ਦੇ ਇਸ ਬੁਖਾਰ ਵਿਚ ਆਮ ਕਸ਼ਮੀਰੀ ਐਵੇਂ ਹੀ ਕੁੱਟ ਕੱਢੇ!
ਪਰ ਸਿੱਖ?
ਤੇ ਹੁਣ ਦਿੱਲੀ?
ਤੁਹਾਨੂੰ ਲੱਗਦਾ ਦਿੱਲੀ ਤੁਹਾਨੂੰ ਇਸ 'ਘੋਰ ਪਾਪ' ਦਾ ਜਵਾਬ ਨਾ ਦਊ?
ਮੋਦੀ ਕਹਿੰਦਾ ਤਾਂ ਹੋਣਾ ਮੈਨੂੰ ਵਿਹਲਾ ਹੋ ਲੈਣ ਦਿਓ ਡਾਂਗ ਨਾ ਵਾਹੀ ਤਾਂ…?

ਤੁਹਾਡੀ ਰਾਇ