ਮਾਨ ਦੇ “ਜੱਟ-ਲੈਂਡ” ਦੇ ਜੱਟ ਵਾਦੀ ਧੌਂਸ ਦੇ ਅਤਿਆਚਾਰੀ ਧੌਂਸੇ ਨੇ ਖਾਲਸੇ ਦੇ ਖਾਲਿਸਤਾਨ ਨੂੰ ਪੈਰੀਂ ਮਧੋਲ ਸੁੱਟਿਆ
23 ਮਾਰਚ 2016 ਨੂੰ, ਹੌਲੇ ਮਹੱਲੇ ਤੇ ਸ. ਸਿਮਰਨਜੀਤ ਸਿੰਘ ਮਾਨ ਨੇ ਇੱਕ ਬਹੁਤ ਹੀ ਅਹਿਮ ਮਤਾ, "ਪੰਜਾਬ ਨੂੰ ਵੱਡਾ ਕਰਨ ਦੇ ਨਾਲ ‘ਜਾਟ ਲੈਂਡ’ ਦੇ ਨਾਮ ਤੇ ਇੱਕ ਵੱਖਰਾ ਸੂਬਾ ਐਲਾਨਿਆ ਜਾਵੇ”; ਪੰਜਾਬ ਨੂੰ "ਜੱਟ ਲੈਂਡ” ਬਣਾ ਦੇਣ ਦਾ ਮਤਾ, ਬਿਨਾ ਕਿਸੇ ਵਿਰੋਧ ਤੋਂ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ ਵਿਚ ਹਾਜ਼ਰ ਸੰਗਤਾਂ ਅਤੇ ਆਪਣੀ ਪਾਰਟੀ ਦੇ ਪਹਿਲੀ, ਦੂਜੀ ਅਤੇ ਤੀਜੀ ਕਤਾਰ ਦੇ ਲੀਡਰਾਂ ਤੋਂ ਹੱਥ ਖੜੇ ਕਰਵਾ ਕੇ ਸਰਬ ਸੰਮਤੀ ਨਾਲ ਪਾਸ ਕੀਤਾ ਹੈ। ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ। ਸ੍ਰੀ ਮਾਨ ਨੇ "ਖ਼ਾਲਸਤਾਨ” ਦੀ ਜਿੱਤੀ ਜਾ ਚੁੱਕੀ ਸੰਵਿਧਾਨਿਕ ਜੰਗ ਨੂੰ ਲੋਕ ਕਚਹਿਰੀ ਵਿਚੋਂ ਹਰਾਉਣ ਲਈ "ਸਿੱਖ ਕੌਮ ਵੱਲੋਂ ਇੱਕਮੁੱਠ ਤਾਕਤ ਮਿਲਣ ਤੋਂ ਬਾਅਦ” ਹਮੇਸ਼ਾ ਹੀ ਇੰਜ ਮਿੱਥ ਕੇ ਧੋਖਾ ਦਿੱਤਾ ਹੈ। ਪਹਿਲਾਂ ਭਾਰਤੀ ਸੰਸਦ ਵਿਚ "ਖ਼ਾਲਸਤਾਨ” ਦਾ ਮਤਾ ਰੱਖਣ ਲਈ ਜਾਣ ਤੋਂ ਮੁੱਕਰ ਕੇ, ਫਿਰ ਖ਼ਾਲਸਤਾਨੀ ਏਜੰਡੇ ਨੂੰ ਹਰਾਉਣ ਲਈ ਵੋਟਾਂ ਦਾ ਬਾਈਕਾਟ ਕਰਵਾ ਕੇ; ਫਿਰ ਆਪਣੇ ‘ਖ਼ਾਲਿਸਤਾਨ’ ਦੀ ਥਾਂ ਤੇ ‘ਅੰਮ੍ਰਿਤਸਰ ਐਲਾਨ ਨਾਮੇ’ ਰਾਹੀਂ ਕੌਮੀ ਨਿਸ਼ਾਨਾਂ ਭਰਮ ਭੁਲੇਖਿਆਂ ਵਿਚ ਪਾ ਮਰਵਾ ਦੇਣ ਲਈ ਬਦਲਵਾ ਕੇ, ਫਿਰ ਅੰਮ੍ਰਿਤਸਰ ਐਲਾਨ ਨਾਮੇ ਤੋਂ ਵੀ ਭਗੌੜਾ ਹੋ ਕੇ ਕਦੇ ਵੀ ਇਸ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਮਿਥੇ ਨਿਸ਼ਾਨੇ ਲਈ ਵੋਟਾਂ ਨਾ ਮੰਗ ਕੇ ਤੇ ਅੰਤ ਇਸ ਦੀ ਥਾਂ "ਆਜ਼ਾਦੀ, ਆਜ਼ਾਦੀ, ਆਜ਼ਾਦੀ” ਦਾ ਦਿਸ਼ਾਹੀਣ ਮਤਾ ਲਿਆ ਕੇ, ਫਿਰ ਇਸ ਤੋਂ ਵੀ ਭਗੌੜਾ ਹੋ ਕੇ ‘ਕਾਂਗਰਸ ਪਾਰਟੀ ਦੇ ਬਸਤੇ ਚੁੱਕ ਕੇ ਬਾਦਲਕਿਆਂ ਨੂੰ ਹਰਾਉਣਾ ਹੈ’ ਦੇ ਫਰਵਰੀ 2007 ਦੀਆਂ ਚੋਣਾਂ ਵਿਚ ਕੰਮ ਕਰ ਕੇ; ਤੇ ਹੁਣ ਫਿਰ "ਸਰਬੱਤ ਖ਼ਾਲਸਾ” ਦਾ ਵੱਡਾ ਭਰਮ ਪੈਦਾ ਕਰਕੇ, ਮਿਲੀ ਤਾਕਤ ਰਾਹੀਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਪਤੀ ਕਰਵਾਉਣ ਤੋਂ ਬਾਅਦ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹੀ ਤਾਬਿਆ ਵਿਚ ਸਰਬੱਤ ਖ਼ਾਲਸਾ ਦੀ ਸਮੁੱਚੀ ਤਾਕਤ ਨੂੰ ਬਿਠਾ ਕੇ ਗੁਰਮਤਿ ਸਿਧਾਂਤ, ਸੰਕਲਪ ਅਤੇ ਮਾਰਗ ਤੋਂ ਵਿਪਰੀਤ ਜਾਤੀਵਾਦੀ ਮਤੇ ਰਾਹੀਂ ਇੱਕ ਵਾਰ ਫਿਰ "ਖ਼ਾਲਸਤਾਨ” ਨੂੰ ‘ਖਾਲਿਸਤਾਨ’ ਸਾਬਤ ਕਰ ਦੇਣ ਲਈ ਤੇ ਇਸ ਦੇ ਏਜੰਡੇ ਨੂੰ ਹਮੇਸ਼ਾ ਲਈ ਮੁੜ ਦਫ਼ਨ ਕਰਵਾ ਦੇਣ ਲਈ "ਜਾਟ ਲੈਂਡ” ਦਾ ਮਤਾ ਪਾਸ ਕਰਵਾ ਕੇ, ਕੌਮ ਦੇ ਇਸ ਮਹਾਨ ਖ਼ਾਲਿ ਸਤਾਨੀ ਡੋਗਰੇ ਜਰਨੈਲ ਨੇ ਆਪਣਾ ਅਸਲ ਚਿਹਰਾ ਬੁਰਕੇ ਤੋਂ ਬਾਹਰ ਲੈ ਆਉਂਦਾ ਹੈ। ਸੰਸਾਰ ਭਰ ਦੇ ਸਿੱਖਾਂ ਨੂੰ ਇੱਕ ਮੱਤ ਹੋ ਕੇ ਉੱਚੀ ਆਵਾਜ਼ ਵਿਚ ਪੁਰੀ ਨਿਡਰਤਾ ਨਾਲ ਆਪਣਾ ਮੱਤ ਸਪਸ਼ਟ ਕਰਨ ਦਾ ਸਮਾਂ ਆ ਗਿਆ ਹੈ ਕਿ ਉਹ ਫ਼ੈਸਲਾ ਦੇਣ ਕਿ ਕੀ ਸਿੱਖ "ਜਾਟ ਲੈਂਡ” ਨਾਮ ਦਾ ਸੂਬਾ ਚਾਹੁੰਦੇ ਹਨ ?
ਸੰਸਾਰ ਭਰ ਦੇ ਸਿੱਖਾਂ ਵਿਚਲੇ ਉਸ ਵਰਗ ਵੱਲੋਂ ਜੋ ਅੱਜ ਤਕ ਸ੍ਰੀ ਮਾਨ ਨੂੰ ਉਸ ਦੇ ਭਰਮਵਾਦੀ ‘ਖ਼ਾਲਿਸਤਾਨ’ ਦਾ ਇੱਕ ਮਾਤਰ ਲੀਡਰ ਅਤੇ ਵਫ਼ਾਦਾਰ ਮੰਨਦੇ ਚਲੇ ਆ ਰਹੇ ਹਨ; ਉਨ੍ਹਾਂ ਦੇ ਮੂੰਹ ਤੇ ਮਾਰਿਆਂ ਗਿਆ ਇਹ ਕਰਾਰਾ ‘ਜੱਟ ਵਾਦੀ ਛਿੱਤਰ’ ਸ਼ਾਇਦ ਹੀ ਹੈ ਕਿ ਉਨ੍ਹਾਂ ਦੀ ਮੂੜ੍ਹ ਮੱਤੀਂ ਮਾਨਪ੍ਰਸਤੀ ਦੀ ਅੰਨ੍ਹੀ ਸ਼ਰਧਾ ਨੂੰ ਕਦੇ ਬਦਲ ਸਕੇ ! ਸ੍ਰੀ ਮਾਨ ਵੱਲੋਂ ਇਹ ‘ਜੱਟ ਵਾਦੀ ਛਿੱਤਰ’ ਮਾਰ ਕੇ ਸਿੱਖ ਕੌਮ ਤੇ ਡਾਢਾ ਅਹਿਸਾਨ ਕਰ ਦਿਖਾਇਆ ਹੈ। ਮੈਂ ਉਸ ਦਾ ਅਤੇ ਉਸ ਦੀ ਪਾਰਟੀ ਵਿਚਲੇ ਸਮੂਹ ਨੰਪੂਸਕ ਲੋਕਾਂ ਦਾ ਧੰਨਵਾਦ ਕਰਦਾ ਹਾਂ, ਜਿਨ੍ਹਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ "ਗੁਰਮਤਿ ਮਰਿਆਦਾ” ਨੂੰ "ਜੱਟ ਲੈਂਡ” ਦੇ ‘ਜੱਟ ਵਾਦੀ ਛਿੱਤਰ’ ਵਿਚ "ਮੰਨੂਵਾਦੀ” ਧਰਮ ਨਿਆਏ ਦਾ "ਮਾਨ ਵਾਦੀ” ਸਰਬ ਸੰਮਤੀ ਨਾਲ ‘ਮਤਾ’ ਸੋਧਿਆ ਤੇ ਪਰੋਸਿਆ ਹੈ। ਬਲਿਹਾਰੇ ਸਿੱਖੋ...ਤੁਹਾਡੇ ਬਲਿਹਾਰੇ....
ਸਿੱਖਾਂ ਵੱਲੋਂ ਆਪਣੀ ਧਰਮ ਸੰਸਦ ਰਾਹੀਂ ਆਪਣੇ ਪੂਰਨ ਬਹੁਮਤ ਨਾਲ ਥਾਪੀ ਗਈ ਸਿੱਖ ਲੀਡਰਸ਼ਿਪ ਵੱਲੋਂ ਹੀ ਸਿੱਖਾਂ ਨੂੰ ਅੱਗੇ ਵਧਣ ਦੀ ਥਾਂ ਤੇ ਬਾਰ ਬਾਰ ਨਿਰਨਾਇਕ ਸਮੇਂ ਤੇ ਪਿਛਾਂਹ ਖਿੱਚ ਲਿਆ ਜਾਂਦਾ ਹੈ। ਮੰਨੂ ਵਾਦੀਆਂ ਤੇ ਮਾਨ ਵਾਦੀਆਂ ਵਿਚ ਹੁਣ ਜਦ ਕੋਈ ਫ਼ਰਕ ਬਚਿਆ ਹੀ ਨਹੀਂ ਹੈ ਤਾਂ ਫਿਰ ਕੀ ਹੁਣ "ਅਜਾਤ ਹੈ ਅਜਾਦ ਹੈ” ਦੇ "ਗੁਰਮਤਿ ਸਿਧਾਂਤ, ਸੰਕਲਪ ਧਾਰੀ ਖ਼ਾਲਸਾ ਧਰਮਧਾਰੀ” ਮਨੁੱਖ ਨੂੰ ਇਸ ਮੰਨੂ ਵਾਦ ਤੇ ਚਾੜ੍ਹੀ ਜਾ ਚੁੱਕੀ ਮਾਨ ਵਾਦੀ "ਜਾਟ ਲੈਂਡੀ” ਬੌਧਿਕਤਾ, ਮਨੋਬਿਰਤੀ, ਪ੍ਰਬੰਧਕੀ ਅਤੇ ਪ੍ਰਸ਼ਾਸਕੀ ਨਿਜ਼ਾਮ ਅਤੇ ਖੇਤਰ ਤੋਂ ਆਜ਼ਾਦ ਕਰਵਾਉਣਾ, ਸਿੱਖਾਂ ਦੀ ਸਭ ਤੋਂ ਪਹਿਲੀ ਅਤੇ ਸ਼੍ਰੋਮਣੀ ਲੋੜ ਨਹੀਂ ਬਣ ਗਈ ਹੈ ? ਕੀ ਸੰਸਾਰ ਵਿਆਪੀ ਗੁਰੂ ਨਾਨਕ ਨਾਮ ਲੇਵਾ ਸਿੱਖਾਂ ਨੂੰ ਦੁਬਾਰਾ ਫਿਰ ਹੁਣ ਆਪਣੀ ਗੱਲ ‘ਬਾਬਰ ਕੀਆਂ’ ਦੇ ਖ਼ਿਲਾਫ਼ ਇਸ ਪਾਪ ਦੀ ਜੰਞ ਲੈ ਚੜ੍ਹੇ ਆਉਂਦੇ ਤਲਾਨੀਆਂ ਵਾਸੀ ਅਰੂੜ੍ਹ ਸਿੰਹੁ ਦੀ ਰੂਹ ਧਾਰੇ ਲਾੜੇ ਦੇ ਖ਼ਿਲਾਫ਼ "ਧਰਮ ਜੁੱਧ” ਕਰਕੇ ਨਾਨਕਵਾਦੀ ਧਰਮ ਦੀ "ਪੱਤ” ਦੀ ਰੱਖਿਆ ਕਰਨਾ; ਹਰ ਸਿੱਖ ਦਾ ਫ਼ਰਜ਼ ਨਹੀਂ ਬਣ ਗਿਆ ਹੈ ?  ਹੋਰ ਜਿਹੜੇ ਸਿੱਖ ਆਪਣੇ ਆਪ ਨੂੰ ਖ਼ਾਲਸਤਾਨੀ ਅਖਵਾਉਂਦੇ, ਮੰਨਦੇ ਹਨ ਉਨ੍ਹਾਂ ਦਾ ਤਾਂ ਇਹ "ਸਿਰ ਜਾਵੇ ਤਾਂ ਜਾਵੇ ਮੇਰਾ ਸਿੱਖੀ ਸਿਦਕ ਨਾ ਜਾਵੇ” ਵਰਗਾ "ਸਿਰ ਧੜ” ਦੀ ਬਾਜ਼ੀ ਲਾ ਦੇਣ ਵਾਲਾ ਸਮਾਂ, ਉਨ੍ਹਾਂ ਸਾਹਮਣੇ ਲੈ ਆਉਂਦਾ ਗਿਆ ਹੈ । ਜੇ ਤੁਸੀਂ "ਮੰਨੂ ਵਾਦੀ ਮਾਨ ਵਾਦ” ਦੇ ਸਾਧ ਲਾਣੇ ਵਾਂਗ ਅੰਧਵਿਸ਼ਵਾਸੀ ‘ਅੰਨ੍ਹੇ, ਬੋਲੇ, ਗੁੰਗੇ’ ਸਮਰਥਕ ਹੋ ਤਾਂ ਫਿਰ ਤੁਹਾਨੂੰ ਹਾਲੇ ਵੀ ਨਾਨਕਵਾਦੀ ਸਿੱਖਾਂ ਨੂੰ "ਸਿੱਖਜਨ” ਬਣਾ ਦੇਣ ਵਾਲਾ ਤੁਹਾਡਾ ਇਹ ‘ਗਾਂਧੀਵਾਦੀ ਹਰੀਜਨ’ "ਮੰਨੂਵਾਦੀ ਮਾਨ” "ਅਸ਼ੋਕ ਮਹਾਨ” ਹੀ ਜਾਪੇਗਾ, ਜਿੰਨੇ ਖ਼ੁਦ "ਰਾਜਾ” ਬਣਨ ਲਈ ਆਪਣੇ ਸਾਰੇ ਭਰਾ ਅਤੇ ਧਰਮ ਸ਼ਾਸਤਰ, ਨੀਤੀਆਂ ਅਤੇ ਸਿਧਾਂਤ ਖੂਹ ਵਿਚ ਸੁੱਟ ਕੇ ਮਾਰ ਮੁਕਾਏ ਸਨ। ਸਿੱਖ ਸਮਾਜ ਵਿਚ ਵੀ 26 ਜਨਵਰੀ 1986 ਤੋਂ ਲੈ ਕੇ 10 ਨਵੰਬਰ 2015 ਤਕ ਦੇ ਸਰਬੱਤ ਖ਼ਾਲਸਿਆਂ ਦੀ ਜੁੰਡਲੀ ਰਾਹੀਂ ਅਜਿਹਾ ਹੀ ਵਾਪਰ ਰਿਹਾ ਹੈ। ਸਿੱਖ ਸਮਾਜ ਦੀ ਸਿਆਸੀ, ਧਾਰਮਿਕ ਅਤੇ ਸਮਾਜਿਕ ਸ਼੍ਰੋਮਣੀ ਸੰਸਥਾ ਨਾ ਹੋਣ ਦੇ ਬਾਵਜੂਦ ਵੀ ਇਸ ਨੂੰ ਮਿਲੀ ਹੋਈ ਭਰਮਿਤ ਮਾਨਤਾ ਦੇ ਬਾਵਜੂਦ, ਸਰਬੱਤ ਖ਼ਾਲਸਾ ਵੱਲੋਂ ਚੁਣੇ ਹੋਏ ਆਗੂਆਂ ਨੇ ਹੀ ਸਰਬੱਤ ਖ਼ਾਲਸਿਆਂ ਦੀ ਹੋਂਦ, ਲੋੜ ਅਤੇ ਵਿਵਸਥਾ ਤੇ ਹੀ ਪ੍ਰਸ਼ਨ ਚਿੰਨ੍ਹ ਲਾ ਦਿੱਤੇ ਹਨ। ਜੇ ਤੁਸੀਂ ਮਾਨਕਿਆਂ ਨੂੰ ਫੇਸ ਬੁੱਕ ਜਾਂ ਹੋਰ ਕਿਸੇ ਸੋਸ਼ਲ ਮੀਡੀਏ ਤੇ ਸਵਾਲ ਕਰ ਕੇ "ਗੁਰਮਤਿ ਰੌਸ਼ਨੀ” ਵਿਚ ਜਵਾਬ ਮੰਗੋਂ ਤਾਂ ਉਨ੍ਹਾਂ ਦਾ ਇੱਕੋ ਇੱਕ ਸਰਬ ਪ੍ਰਵਾਨਿਤ ‘ਮਾਨ ਮਤਾ’ ਹੈ ਕਿ "ਤੁਹਾਨੂੰ ਤੁਹਾਡੀ ਸੋਚ ਮੁਬਾਰਕ –ਸਿਮਰਨਜੀਤ ਸਿੰਘ ਮਾਨ ਜ਼ਿੰਦਾਬਾਦ”!
ਆਪਣੀ ਜੱਟ ਰਾਸ਼ਟਰਵਾਦ ਦੀ ਪ੍ਰਤੀਨਿਧ ਰੂਹ ਦੀ ਆਵਾਜ਼ ਨੂੰ ਬਾਹਰ ਲਿਆ ਕੇ ਮੁੱਖ ਅਤੇ ਲਿਖਤ ਰਾਹੀਂ ਪ੍ਰਗਟਾਉਣ ਲਈ ਜੱਟਾਂ ਦੇ ਨਵੇਂ ਨਾਦਰਸ਼ਾਹ ਸ੍ਰੀ ਸਿਮਰਨਜੀਤ ਸਿੰਘ ਮਾਨ ਦਾ ਪਹਿਲੀ ਵਾਰ ਸੱਚ ਬੋਲਣ ਲਈ ਮੈਂ ਧੰਨਵਾਦ ਕਰਦਾ ਹਾਂ। ਪਰ ਸ਼ਾਇਦ ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਵਰਗੇ ਹੀ ਦੰਭੀ ਉਨ੍ਹਾਂ ਦੇ ਲਾਣੇ ਬਾਣੇ ਨੂੰ ਪਤਾ ਨਹੀਂ ਕਿ ਜੱਟ ਹੁੰਦੇ ਕੌਣ ਹਨ ? ਤੇ ਕੀ ਇਹ ਭਾਰਤੀ ਪੰਜਾਬ ਦੇ ਮੂਲ ਵਾਸੀ ਵੀ ਹਨ ਜਾਂ ਇੱਥੇ ਧਾੜਵੀ ਵਿਦੇਸ਼ੀ ਕਬੀਲੇ ਧਾਰੀ ਹਨ ? ਭਾਈ ਕਾਨ੍ਹ ਸਿੰਘ ਜੀ ਨਾਭਾ ਮਹਾਨ ਕੋਸ਼ ਦੇ ਪੰਨਾ 1181-82 ਵਿਚ ਲਿਖਦੇ ਹਨ ਕਿ ‘