ਭਾਰਤ ਨੂੰ ਰੂਸ ਤੋਂ ਹਥਿਆਰਾਂ ਦੀ ਖ਼ਰੀਦ ਲਈ ਅਮਰੀਕੀ ਪਾਬੰਦੀਆਂ ਤੋਂ ਛੋਟ ਨਹੀਂAugust 31
14:34 2018
Print This Article Share it With Friends
ਵਾਸ਼ਿੰਗਟਨ, 31 ਅਗਸਤ (ਪੰਜਾਬ ਮੇਲ)- ਭਾਰਤ ਵੱਲੋਂ ਰੂਸ ਤੋਂ ਕਰੀਬ 5 ਅਰਬ ਅਮਰੀਕੀ ਡਾਲਰ ਦਾ ਮਿਜ਼ਾਈਲ ਰੱਖਿਆ ਪ੍ਰਬੰਧ ਖਰੀਦਣ ਦੇ ਮਾਮਲੇ ‘ਚ ਭਾਰਤ ਨੂੰ ਅਮਰੀਕੀ ਪਾਬੰਦੀਆਂ ਤੋਂ ਸਹਿਜ ਹੀ ਛੋਟ ਹਾਸਲ ਨਹੀਂ ਹੋਵੇਗੀ ਤੇ ਇਸ ਤਰ੍ਹਾਂ ਦੀ ਕਿਸੇ ਸੰਭਾਵਨਾ ਤੋਂ ਪੈਂਟਾਗਨ ਨੇ ਇਨਕਾਰ ਕਰ ਦਿੱਤਾ ਹੈ। ਅਗਲੇ ਹਫਤੇ ਭਾਰਤ ਤੇ ਅਮਰੀਕਾ ਵਿਚ 2+2 ਵਾਰਤਾ ਹੋ ਰਹੀ ਹੈ। ਇਸ ਵਿਚ ਅਮਰੀਕਾ ਤੇ ਭਾਰਤ ਦੇ ਰੱਖਿਆ ਅਤੇ ਵਿਦੇਸ਼ ਮੰਤਰੀ ਦੁਵੱਲੇ ਮਸਲੇ ਵਿਚਾਰਨਗੇ। ਅਮਰੀਕੀ ਸੂਤਰਾਂ ਅਨੁਸਾਰ ਇਹ ਪਾਬੰਦੀਆਂ ਭਾਰਤ ਕਰਕੇ ਨਹੀਂ ਸਗੋਂ ਰੂਸ ਦੇ ਵਤੀਰੇ ਕਰਕੇ ਲਾਗੂ ਰਹਿ ਸਕਦੀਆਂ ਹਨ। ਭਾਰਤ ਦੀ ਰੂਸ ਤੋਂ ਫਾਈਵ ਐੱਸ-400 ਟਰੰਫ ਮਿਜ਼ਾਈਲ ਹਵਾਈ ਰੱਖਿਆ ਪ੍ਰਬੰਧ ਖ਼ਰੀਦਣ ਦੀ ਯੋਜਨਾ ਹੈ। ਇਹ ਇਕਰਾਰ 4.5 ਅਰਬ ਅਮਰੀਕੀ ਡਾਲਰ ਦਾ ਹੈ। ਅਮਰੀਕੀ ਰੱਖਿਆ ਮੰਤਰੀ ਜਿਮ ਮੈਟਿਜ਼ ਭਾਰਤ ਨੂੰ ਇਸ ਸੌਦੇ ਲਈ ਪਾਬੰਦੀਆਂ ਤੋਂ ਮੁਕਤ ਕਰਨ ਦੀ ਪੈਰਵੀ ਕਰ ਰਹੇ ਹਨ।