ਕਵਿਤਾਵਾਂ
ਸ਼ਹਾਦਤ ਦਾ ਰਿਣ!!
Page Visitors: 2631
ਸ਼ਹਾਦਤ ਦਾ ਰਿਣ!!
ਧਰਮ-ਮਜ਼ਹਬ ਦੀ ਚੋਣ ਬੰਦੇ ਦੇ ਆਪਣੇ ਮਨ ਦਾ ਖਿਆਲ।।
ਪਰ ਇਸ ਹੱਕ ਨੂੰ ਜਬਰ ਤੇ ਨੀਤੀ ਅਕਸਰ ਕਰਨ ਹਲਾਲ।।
ਬੰਦੇ ਦੇ ਅਧਿਕਾਰਾਂ ਵਾਲਾ ਉੱਠਿਆ ਜਦੋਂ ਸਵਾਲ।।
ਨੌਵੇਂ ਨਾਨਕ ਨੇ ਸਿਰ ਦੇਕੇ ਦਿੱਤੀ ਰੱਖ ਦਿਖਾਲ।।
ਡੁਬਦੀ ਜਾਂਦੀ ਹਿੰਦ ਦੀ ਜਿਹਨਾਂ ਬੇੜੀ ਲਈ ਸੰਭਾਲ।।
ਅਕ੍ਰਿਤਘਣਾਂ ਨੇ ਕੌਮ ਉਸੇ ਦਾ ਕਰਤਾ ਮੰਦੜਾ ਹਾਲ।।
ਜਦ-ਜਦ ਲੋਕੀਂ ਸਮਝਣ ਲਗਦੇ ਕਸਿਆ ਮੱਕੜ ਜਾਲ।।
ਤਦ-ਤਦ ਮੱਕੜੀ ਹੋਰ ਬਣਾਉਂਦੀ ਨਵੇਂ ਰੰਗਾਂ ਨੂੰ ਭਾਲ।।
ਧੋਖੇ-ਫਰੇਬ ਨਾਲ ਹੈ ਚਲਦੀ ਰਾਜਨੀਤੀ ਦੀ ਚਾਲ।।
ਸ਼ਹਾਦਤ ਦੇ ਰਿਣ ਨਹੀਂ ਲਹਿੰਦੇ ਸੈਰ-ਯਾਤਰਾ ਨਾਲ।।
ਡਾ ਗੁਰਮੀਤ ਸਿੰਘ ਬਰਸਾਲ (ਕੈਲੇਫੋਰਨੀਆਂ)