ਆਸ਼ਕ ਅਣਖ ਵਾਲੇ ਸੱਚ ਨਾਲ ਖੜਦੇ ਨੇ ,
ਮਨੁੱਖੀ-ਅਧਿਕਾਰ ਪੰਚ-ਪ੍ਰਧਾਨੀ ਪ੍ਰਣਾਲੀ ਨੂੰ ਤਿਲਾਂਜਲੀ ਦੇ ,
ਰਾਜ-ਸਤਾ ਸਾਂਭਣੀ ਤਾਂ ਚਾਲ ਹੈ ਮਕਾਰਾਂ ਦੀ ।
ਨੀਤੀ ਨਾਲ ਨਲੂਏ ਨੂੰ ਜਿੱਥੋਂ-ਜਿੱਥੋਂ ਦੂਰ ਕਰੇ ,
ਤੂਤੀ ਉਥੇ ਬੋਲਣੀ ਹੈ ਡੋਗਰੇ ਗਦਾਰਾਂ ਦੀ ।
ਹੱਕ ਜਿਸ ਦੇਸ਼ ਵਿੱਚ ਮੰਗਣਾ ਗੁਨਾਹ ਹੋਵੇ ,
ਟੁੱਟੇ ਬੂਥੀ ਇਹੋ ਜਿਹੀਆਂ ਲੋਕ-ਸਰਕਾਰਾਂ ਦੀ ।
ਹੀਲੇ ਤੇ ਵਸੀਲੇ ਜਦੋਂ ਸਾਰੇ ਫੇਲ ਹੋਂਵਦੇ ਨੇ ,
ਵਰਤੋਂ ਹੈ ਜਾਇਜ ਉੱਥੇ ਨੀਤੀ-ਹਥਿਆਰਾਂ ਦੀ ।
ਇੱਕ ਪਿੱਛੋਂ ਇੱਕ ਉੱਠ ਲੱਗੀਏ ਕਤਾਰ ਵਿੱਚ ,
ਹੋਵੇ ਕੁਰਬਾਨੀ ਜਦੋਂ ਕੌਮੀ ਸਰੋਕਾਰਾਂ ਦੀ ।
ਜੇਲਾਂ ਵਿੱਚ ਡੱਕੇ ਹੋਏ ਬੇਕਸੂਰ ਬੰਦਿਆਂ ਦੀ ,
ਸਜਾ ਪੂਰੀ ਹੋਣ ਤੇ ਵੀ ਕੌਮ ਦੇ ਦੁਲਾਰਾਂ ਦੀ ।
ਨਾਂ ਡਰ ਦਿੰਦੇ ਅਤੇ ਨਾਂ ਹੀ ਡਰ ਸਹਿੰਦੇ ਜਿਹੜੇ ,
ਇੱਜਤਾਂ ਨਾਲ ਜੀਣ ਵਾਲੇ ਯੋਧੇ ਬਲਕਾਰਾਂ ਦੀ ।
ਆਸ਼ਕ ਅਣਖ ਵਾਲੇ ਸੱਚ ਨਾਲ ਖੜਦੇ ਨੇ ,
ਗੱਲ ਜਦੋਂ ਚੱਲਦੀ ਮਨੁੱਖੀ ਅਧਿਕਾਰਾਂ ਦੀ ।
ਡਾ ਗੁਰਮੀਤ ਸਿੰਘ ਬਰਸਾਲ
(ਕੈਲੈਫੋਰਨੀਆਂ) gsbarsal@gmail.com