ਆਇਆਂ ਸੀ ਤਰਸ ਜਦ ਮਿੰਨਤਾਂ ਸੀ ਕਰਦਾ ਹੁਣ ਸਾਨੂੰ ਦੇਖੋ ਉਹ ਡਰਾਉਣ ਲੱਗ ਪਿਆ।
ਆਇਆਂ ਸੀ ਤਰਸ ਜਦ ਮਿੰਨਤਾਂ ਸੀ ਕਰਦਾ ਹੁਣ ਸਾਨੂੰ ਦੇਖੋ ਉਹ ਡਰਾਉਣ ਲੱਗ ਪਿਆ।
ਕਲ ਜਿਹੜਾ ਸਾਡੇ ਮੂਹਰੇ ਹੱਥ ਬੰਨੀਂ ਖੜਾ ਸੀ ਦੇਖੋ ਅੱਜ ਨੇਤਾ ਅਖਵਾਉਣ ਲੱਗ ਪਿਆ ।
ਲੋਕ ਸੇਵਾ ਜੋ ਮੰਗਦਾਂ ਸੀ ਆਮ ਲੋਕਾਂ ਤੋਂ ਦੇਖੋ ਕਿਵੇਂ ਅੱਜ ਹੁਕਮ ਚਲਾਉਂਦਾਂ ਹੈ ।
ਆਖੀਏ ਜੇ ਕਦੇ ਹੁਣ ਮਿਲਣੇ ਨੂੰ ਨਹੀਉਂ ਮਿਲਦਾ ਜਵਾਬ ਸਾਹਿਬ ਨਾਉਂਦਾਂ ਹੈ ।
ਪੱਗਾਂ ਜੋ ਵਟਾਉਣ ਦੇ ਸੀ ਦਮ ਭਰਦਾ ਹੁਣ ਤਾਂ ਉਹ ਅੱਖ ਵੀ ਚੁਰਾਉਣ ਲੱਗ ਪਿਆ ।
ਕਲ ਜਿਹੜਾ ਸਾਡੇ ਮੂਹਰੇ ਹੱਥ ਬੰਨੀਂ ਖੜਾ ਸੀ ਦੇਖੋ ਅੱਜ ਨੇਤਾ ਅਖਵਾਉਣ ਲੱਗ ਪਿਆ ।
ਨੀਤੀ ਨੇਤਾ ਦੀ ਸਦਾ ਹੁੰਦੀ ਵਿੱਚ ਰਾਜ ਦੇ ਦੰਦ ਹੱਸਣ ਦੇ ਵਾਲੇ ਹੁੰਦੇ ਹੋਰ ਨੇ
ਫੱਟੇ ਰੱਖਦੇ ਨੇ ਲਾਕੇ ਸਦਾ ਸਦਾਚਾਰ ਦੇ ਪਰ ਮਨਾਂ ਦੇ ਹੁੰਦੇ ਕਾਲੇ ਚੋਰ ਨੇਂ
ਜਿੱਤ ਗਿਆ ਜਦੋਂ ਇੱਕ ਵਾਰ ਇਹ ਦੇਖੋ ਕਿਵੇਂ ਮੂੰਹ ਜਾ ਛੁਪਾਉਣ ਲੱਗ ਪਿਆ
ਕਲ ਜਿਹੜਾ ਸਾਡੇ ਮੂਹਰੇ ਹੱਥ ਬੰਨੀਂ ਖੜਾ ਸੀ ਦੇਖੋ ਅੱਜ ਨੇਤਾ ਅਖਵਾਉਣ ਲੱਗ ਪਿਆ ।
ਕਰ ਦਿੱਤਾ ਜੋ ਜਿਤਾਕੇ ਯੋਗ ਕੰਮ ਕਰਵਾਉਣ ਦੇ ਆਕੜਾਂ ਦਾ ਹੋ ਗਿਆ ਭੰਡਾਰ ਜੀ
ਜਿਹੜਾ ਫਿਰਦਾ ਸੀ ਕੱਲ ਖਾਕ ਛਾਣਦਾਂ ਅੱਜ ਦੇਖੋ ਕਿਵੇਂ ਚੜਿਆ ਹੰਕਾਰ ਜੀ
ਜੋਰ ਦਿੱਤਾ ਜਿਹੜਾ ਲੋਕਾਂ ਨੇ ਅੱਜ ਉਹਨਾਂ ਦੇ ਹੀ ਉਪਰ ਚਲਾਉਣ ਲੱਗ ਪਿਆ
ਕਲ ਜਿਹੜਾ ਸਾਡੇ ਮੂਹਰੇ ਹੱਥ ਬੰਨੀਂ ਖੜਾ ਸੀ ਦੇਖੋ ਅੱਜ ਨੇਤਾ ਅਖਵਾਉਣ ਲੱਗ ਪਿਆ ।
ਜਿਹੜਾ ਅੱਜ ਖੇਡਦਾ ਕਰੋੜਾਂ ਵਿੱਚ ਫਿਰਦਾ ਜਿਹੜਾ ਤਾਂ ਸਿਰੇ ਦਾ ਕੱਲ ਨੰਗ ਸੀ
ਅੱਜ ਬੈਠਦਾ ਹੈ ਵਿੱਚ ਜਾਕੇ ਸਿਰੇ ਵਾਲਿਆਂ ਭਾਵੇਂ ਹੁੰਦਾਂ ਕਦੇ ਇਹ ਵੀ ਮਲੰਗ ਸੀ
ਅੱਜ ਰੱਖਦਾ ਹੈ ਨਾਲ ਸਕਿਉਰਟੀ ਸਾਡੇ ਕੋਲੋਂ ਉਹਨੂੰ ਡਰ ਆਉਣ ਲੱਗ ਪਿਆ
ਕਲ ਜਿਹੜਾ ਸਾਡੇ ਮੂਹਰੇ ਹੱਥ ਬੰਨੀਂ ਖੜਾ ਸੀ ਦੇਖੋ ਅੱਜ ਨੇਤਾ ਅਖਵਾਉਣ ਲੱਗ ਪਿਆ ।
ਗੁਰਚਰਨ ਪੱਖੋਕਲਾਂ ਫੋਨ 9417727245 ਪਿੰਡ ਪੱਖੋਕਲਾਂ ਜਿਲਾ ਬਰਨਾਲਾ