ਕਵਿਤਾਵਾਂ
ਦੱਲੇ ਬਨਾਮ ਦੁੱਲੇ !
Page Visitors: 2699
ਦੱਲੇ ਬਨਾਮ ਦੁੱਲੇ !
ਮੱਥੇ ਅਣਖ ਦੇ ਜਿਨ੍ਹਾਂ ਦੇ ਦੀਪ ਜਗਦੇ
ਸਕਦੇ ਰੋਕ ਉਹ ਝੱਖੜਾਂ ਝੁੱਲਿਆਂ ਨੂੰ।
ਡੌਲ਼ੇ ਫਰਕਦੇ ਅੱਖਾਂ ਵਿਚ ਚੜ੍ਹੇ ਲਾਲੀ
ਖੁਨ ਦੇਖ ਬੇਦੋਸ਼ਾਂ ਦੇ ਡੁੱਲ੍ਹਿਆਂ ਨੂੰ।
ਮਿਲ਼ੇ ਥਾਂ੍ਹ ਇਤਿਹਾਸ ਵਿਚ ਮਾਣ ਮੱਤੀ
ਬਾਗੀ ਹੋਇਆਂ ਦੇ ਠੰਡ੍ਹਿਆਂ ਚੁੱਲ੍ਹਿਆਂ ਨੂੰ।
ਦੇ ਜਾਂਦੇ ਨੇ ਸਬਕ ਉਹ ਸਿਦਕ ਵਾਲ਼ਾ
ਅਸਲੀ ਆਪਣੇ ਫਰਜ਼ਾਂ ਤੋਂ ਭੁੱਲਿਆਂ ਨੂੰ।
ਪੀਂਦੇ ਜ਼ਹਿਰ ਪਿਆਲੇ ਸੀ ਮੁਗਲ ਰਾਜੇ
ਗਾਉਣਾ ਪੈਂਦਾ ਏ ਬਾਬਿਆਂ ਬੁੱਲਿਆਂ ਨੂੰ।
'ਦੱਲੇ' ਮਾਣਦੇ ਚੌਧਰਾਂ ਬਾਦਸ਼ਾਹੀਆਂ
ਮਿਲ਼ਦੇ ਦੰਡ ਨੇ ਨਾਬਰਾਂ 'ਦੁੱਲਿਆਂ' ਨੂੰ!
-ਤਰਲੋਚਨ ਸਿੰਘ 'ਦੁਪਾਲ ਪੁਰ'
੦੦੧-੪੦੮-੯੧੫-੧੨੬੮