ਅੱਜ ਦਾ ਕੌੜਾ ਸੱਚ
 ਪ੍ਰੋ. ਦਰਸ਼ਨ ਸਿੰਘ ਖਾਲਸਾ
ਅੱਜ ਦਾ ਕੌੜਾ ਸੱਚ .. ਤੁਹਾਡੇ ਨਾਲ ਸਾਂਝਾ ਕਰ ਲਗਾ ਹਾਂ, ਗੁਰਬਾਣੀ ਗੁਰਮਤਿ ਤੋਂ ਟੁੱਟ ਕੇ ਕਾਮ ਕ੍ਰੋਧ ਅਹੰਕਾਰ ਵਿਚ ਦਿਵਾਨਾ ਹੋਇਆ, ਸਿੱਖੀ ਭੇਖ ਵਿਚ ਸ਼ੈਤਾਨ ਵਿਚਰ ਰਿਹਾ ਦਿੱਸਦਾ ਹੈ ਜਿਸ ਨੂੰ ਅਪਣੇ ਭਵਿੱਖ ਦੀ ਤੇ ਅਪਣੀ ਆਉਣ ਵਾਲੀ ਪਨੀਰੀ ਦੀ ਭਵਿੱਖ ਦੀ ਪਛਾਣ ਨਹੀਂ ਹੋ ਰਹੀ, ਸਤਿਗੁਰ ਨੇ ਬਾਣੀ ਵਿਚ ਫੈਸਲਾ ਦਿੱਤਾ ਹੈ ਕਹਿੰਦੇ ਨੇ ਐਸਾ ਦਿਵਾਨਾ ਹੋਇਆ ਮਨੁੱਖ ਜਿਹੜਾ ਹੈ ਉਹ ਮਹਾ ਭਿਆਨਕ ਜੰਗਲ, ਖੂੰਖਾਰ ਜਾਨਵਰਾਂ ਭਰਿਆ ਹੋਇਆ ਜੰਗਲ ਉਸ ਨੂੰ ਉਹ ਬੜਾ ਖੂਬਸੂਰਤ ਅਪਣਾ ਸ਼ਹਿਰ ਸਮਝ ਰਿਹਾ ਹੈ ਤੇ ਝੂਠ ਦੀਆਂ ਸਮਾਗ੍ਰੀਆਂ ਸਭ ਨੂੰ ਦੇਖ ਕੇ ਬੜਾ ਪ੍ਰਸੰਨ ਹੋ ਰਿਹਾ ਹੈ ਕਿ ਆਉਣ ਵਾਲਾ ਭਵਿੱਖ ਬੜਾ ਉਜਲਾ ਤੇ ਖੁਸ਼ੀਆਂ ਭਰਿਆ ਹੋਵੇਗਾ, ਪਰ ਜਦੋਂ ਉਨਾਂ ਜਾਨਵਰਾਂ ਨੇ ਮੂੰਹ ਪਾਇਆ ਤੇ ਨਿਗਲ ਲਿਆ ਫਿਰ ਪਛਤਾਉਣ ਦਾ ਕੀ ਫਾਇਦਾ ਹੋਵੇਗਾ ।
ਅੱਜ ਸ਼ੈਤਾਨ ਦੀ ਇਹੋ ਹਾਲਾਤ ਬਣੀ ਹੋਈ ਦਿਸਦੀ ਹੈ ਤੇ ਗੁਰੂ ਕਹਿੰਦੇ ਨੇ ਨਤੀਜਾ ਇਹ ਸਭ ਕੁਝ ਇਸੇ ਲਈ ਹੈ ਕਿਉਂਕਿ ਇਹ ਸ਼ੈਤਾਨ ਬਣ ਚੁੱਕਾ ਹੈ ਗੁਰੂ ਨਾਲੋਂ ਟੁੱਟ ਗਿਆ ਹੈ, ਸਤਿਗੁਰ ਬਾਣੀ ਵਿਚ ਕਹਿੰਦੇ ਨੇ ..
ਪਉੜੀ ॥
 ਮਹਾ ਭਇਆਨ ਉਦਿਆਨ ਨਗਰ ਕਰਿ ਮਾਨਿਆ ॥
ਝੂਠ ਸਮਗ੍ਰੀ ਪੇਖਿ ਸਚੁ ਕਰਿ ਜਾਨਿਆ ॥
ਕਾਮ ਕ੍ਰੋਧਿ ਅਹੰਕਾਰਿ ਫਿਰਹਿ ਦੇਵਾਨਿਆ ॥
ਸਿਰਿ ਲਗਾ ਜਮ ਡੰਡੁ ਤਾ ਪਛੁਤਾਨਿਆ ॥
ਬਿਨੁ ਪੂਰੇ ਗੁਰਦੇਵ ਫਿਰੈ ਸੈਤਾਨਿਆ ॥੯॥ {ਪੰਨਾ 707}
ਆਓ ਭਲਾ ਜੇ ਇਸ ਗੁਰਬਾਣੀ ਗੁਰਮਤਿ ਦੀ ਇਸ ਅਗਵਾਈ ਵਿਚੋਂ ਕੁਝ ਜਾਗ੍ਰਤੀ ਪੈਦਾ ਹੋ ਜਾਏ ਤੇ ਅਪਣੇ ਵਿਰਸੇ ਨੂੰ ਪਛਾਣ ਕੇ ਅੱਜੇ ਵੀ ਸੰਭਲ ਜਾਓ।