ਤੁਹਾਡੇ ਬੋਲ ਕਬੋਲ ਤੋਹਮਤਾਂ, ਬੇਮਤਲਬ ਨਿੰਦਾ ਦਾ ਮੇਰੇ 'ਤੇ ਕੋਈ ਅਸਰ ਨਹੀਂ
ਪ੍ਰੋ. ਦਰਸ਼ਨ ਸਿੰਘ ਖਾਲਸਾ
ਆਤਮਜੀਤ ਸਿੰਘ ਕਾਨਪੁਰ 11 Sep 2019
  ਅਕਸਰ ਦੇਖ ਸੁਣ ਰਿਹਾ ਹਾਂ ਕੇ ਗੁਰੂ ਨਾਨਕ ਜੀ ਦੇ ਦਿਤੇ ਸਿਧਾਂਤ ਸੰਸਾਰ ਵਿਚ ਕੁਛ ਲੋਕ ਐਸੇ ਪਲ ਰਹੇ ਨੇ ਜਿਹਨਾਂ ਦਾ ਜੀਵਨ ਕੇਵਲ ਹਰ ਇੱਕ ਲਈ ਬੋਲ ਕਬੋਲ, ਊਲ ਜਲੂਲ ਤੋਹਮਤਾਂ, ਬੇਮਤਲਬ ਨਿੰਦਾ ਹੀ ਉਨ੍ਹਾਂ ਦੀ ਖੁਰਾਕ ਬਣ ਚੁਕੀ ਹੈ।
   ਭਲਿਓ ਤੁਹਾਡੇ ਬੋਲ ਕਬੋਲ ਤੋਹਮਤਾਂ, ਬੇਮਤਲਬ ਨਿੰਦਾ ਦਾ ਮੇਰੇ 'ਤੇ ਕੋਈ ਅਸਰ ਨਹੀਂ, ਮੈਂ ਅਪਣੀ ਧੁੰਨ ਵਿੱਚ ਆਪਣੇ ਸ਼ਬਦ ਗੁਰੂ ਦੇ ਮਿਸ਼ਨ ਨੂੰ ਲੈ ਕੇ ਚਲ ਰਿਹਾ ਹਾਂ। ਇਹ ਨਹੀਂ ਕੇ ਮੇਰੇ ਕੋਲ ਤੁਹਾਡੀਆਂ ਗੱਲਾਂ ਦੇ ਜਵਾਬ ਨਹੀਂ, ਪਰ ਮੈ ਜਾਂਣਦਾ ਹਾਂ ਕੇ ਜਿਨ੍ਹਾਂ ਨੂੰ ਇਹ ਚੰਗਾ ਨਹੀਂ ਲਗਦਾ ਉਹ ਸਾਜਸ਼ ਤਹਿਤ ਆਪਣੇ ਬੋਲ ਕਬੋਲਾਂ ਨਾਲ ਉਤੇਜਤ ਕਰਕੇ ਮੈਨੂੰ ਆਪਣੇ ਨਾਲ ਉਲਝਾਉਣਾ ਚਾਹੁੰਦੇ ਹਨ, ਤਾਂ ਕਿ ਗੁਰਬਾਣੀ ਮਿਸ਼ਨ ਦੇ ਰਾਹ ਵਿੱਚ ਰੁਕਾਵਟ ਪੈ ਸਕੇ ।
   ਭਲਿਓ ਭੁੱਲ ਜਾਵੋ ਮੇਰੇ ਕੋਲ ਜੀਵਨ ਦੇ ਬਾਕੀ ਰਹਿੰਦੇ ਪਲਾਂ ਵਿੱਚ ਸਮਾਂ ਨਹੀਂ ਕਿ ਤੁਹਾਡੇ ਨਾਲ ਉਲਝ ਕੇ ਮੈਂ ਆਪਣਾ ਕੀਮਤੀ ਸਮਾਂ ਬਰਬਾਦ ਕਰਾਂ। ਯਕੀਨ ਕਰੋ ਤੁਸੀਂ ਇਸ ਸਾਜਸ਼ ਵਿਚ ਕਾਮਯਾਬ ਨਹੀਂ ਹੋਵੇਗੇ। ਐਵੇਂ ਗੁਰਮਤਿ ਦੇ ਖੇਤਰ ਦਾ ਮਾਹੌਲ ਖਰਾਬ ਨਾ ਕਰੋ।
  ਮੰਨ ਲਉ ਤੁਹਾਡੀ ਇਸ ਬੇਮਤਲਬ ਨਿੰਦਾ ਦੇ ਅਸਰ ਹੇਠ ਗੁਰੂ ਦਿਸ਼ਾ ਵਲ ਵਧ ਰਹੇ ਇਸ ਕਾਫਲੇ ਦੇ ਚਾਰ ਅਨਜਾਣ ਮੈਂਬਰ ਘੱਟ ਜਾਣ ਤੇ ਤੁਹਾਡੀ ਵਹੀਰ ਵਿੱਚ ਸ਼ਾਮਲ ਹੋ ਜਾਣ, ਤਾਂ ਮੈਨੂੰ ਕੋਈ ਫਰਕ ਨਹੀਂ ਪੈਂਦਾ, ਇਹ ਗੁਰਮਤਿ ਮਿਸ਼ਨ ਮੇਰੀ ਕੋਈ ਵਿਉਪਾਰ ਨਹੀਂ ਕਿ ਮੇਰੇ ਗਾਹਕ ਘੱਟ ਜਾਣਗੇ। ਭਲਿਓ ਇਸ ਕਾਫਲੇ ਵਿਚ ਤੁਰਨ ਵਾਲੇ ਤਾਂ ਇਸ ਇਰਾਦੇ ਵਾਲੇ ਹਨ ਕੇ "
   ਸਮੁੰਦੁ ਸਾਗਰੁ ਹੋਵੈ ਬਹੁ ਖਾਰਾ ਗੁਰਸਿਖੁ ਲੰਘਿ ਗੁਰ ਪਹਿ ਜਾਈ॥
 ਹਾਂ ਗੁਰਮਤਿ ਦੇ ਖੇਤਰ ਵਿਚ਼ ਨਿੰਦਾ ਦਾ ਸਹਾਰਾ ਲੈਣ ਵਾਲੇ ਵੀਰੋ, ਗੁਰੂ ਨਾਨਕ ਜੀ ਦੇ ਪੰਜਵੇ ਸਰੂਪ ਨੇ ਨਿੰਦਾ ਦਾ ਸਹਾਰਾ ਲੈਣ ਵਾਲਿਆਂ ਲਈ ਜੋ ਉਪਦੇਸ਼ ਬਖਸ਼ਿਸ਼ ਕੀਤਾ ਹੈ ਉਹ ਜ਼ਰੂਰ ਪੜ੍ਹ ਕੇ ਸਮਝ ਲਉ, ਗੁਰੂ ਸਭ ਨੂੰ ਸੁਮੱਤ ਦੇਵੇ ..
ਬਿਲਾਵਲੁ ਮਹਲਾ ੫ ॥
ਨਿੰਦਕੁ ਐਸੇ ਹੀ ਝਰਿ ਪਰੀਐ ॥
ਇਹ ਨੀਸਾਨੀ ਸੁਨਹੁ ਤੁਮ ਭਾਈ ਜਿਉ ਕਾਲਰ ਭੀਤਿ ਗਿਰੀਐ ॥੧॥ ਰਹਾਉ॥
ਜਉ ਦੇਖੇ ਛਿਦੂ ਤਉ ਨਿੰਦਕੁ ਉਮਾਹੈ ਭਲੋਂ ਦੇਖਿ ਦੂਖ ਭਰੀਐ ॥
ਆਠ ਪਹਰ ਚਿਤਵੈ ਨਹੀ ਪਹੂਚੈ ਬੁਰਾ ਚਿਤਵਤ ਚਿਤਵਤ ਮਰੀਐ ॥੧॥
ਨਿੰਦਕੁ ਪ੍ਰਭੂ ਭੁਲਾਇਆ ਕਾਲੁ ਨੇਰੇ ਆਇਆ ਹਰਿ ਜਨ ਸਿਉਂ ਬਾਦੁ ਉਠਰੀਐ ॥
ਨਾਨਕ ਕਾ ਰਾਖਾ ਆਪਿ ਪ੍ਰਭੂ ਸੁਆਮੀ ਕਿਆ ਮਾਨਸ ਬਪੁਰੇ ਕਰੀਐ ॥੨॥੯॥੯੫॥